Rey condoy

AJTPEJYTY.

Ajtpejyty,
Jatë’n txëëw’aty yë et yë käm,
määj ojts pyiti’iky ja nyïkajypyxy ja nyïmatyä’äky,
jatë’n ja äptety’amëj ja oktäk’amëj
tnïkäjpxtï tnïmatyä’aktï,
ku jaaj ojts ja tsep tyunyï,
jatë’n yïknïkajypyxy yïknïmatyä’äky ku ja Konk ëy
ojts ja myïtsep nyïjä’ätyï,
jam ja tsyoontï määj ja konk Moctezuma jam tsyëënï Nëwemp,
namay ja myentëëj,
ja Konk ëy ja myumajatä’äkwäntïp jïts
ja tyïkkutïkë’tyït,
yë mëjtuu’ ja kyuyë’ëtyïp jïts
yë et yë käm ojts tatëjkïnyïtï
miti ja Konk ëy kyutstsïnaapy,
y’ejyxy’ijytypy, nyïkupëjykypy määpäät yë tnïttanï tu’ki’yï.
Wä’äts ja Konk ëy ja’ t’ijyxy ja’ tjäwï
ku ja yïkkutïkëëpyï myentï yjä’ättï,
ja Konk ëy ka’ap ja tiij ta’o’jk tyïktunkpääty,
ja anaaw ja wïtsuk mëët ja tsuuj ja poj ja’ y’ajot’ajytypy.
Ja wenkjää’y tseptunpïtï miti ja Konk ëy
y’ijxtaatyïp jïts tattëjkïnyïtï ja et ja käm
miti ja Konk ëy yja’ajytypy,
nay ja mëjtuu’ ja kyuyë’ëtyïp
määj ja Konk ëy ja tyuu’ mëët ja pyïktä’äky,
jam nayïtë’n ja et xëëw mëjtu’äm, ejxïm:
ja tsääj’äm, konk kuyäjtääjk, xëëw po’,
tse’tsk, kuppu’, tsäkëjxpït tsää’ny, tsïkujyky,
kääjnë’äm jïts ajtpejyty.
Jam wyïnaty kyïpujtnïtï tunkupäjkp
määj ijyxyäm yïktijy Ajtpejyty,
tëëj nyäjxnïtï jam Kääjnë’äm